ရည်ရွယ်ချက်

(က) ဖက်ဒရယ်ဒီမိုကရေစီနိုင်ငံတော် တည်ဆောက်ရေးကို ငြိမ်းချမ်းသောလမ်းစဉ်ဖြင့် တည်ဆောက်မည်။
(ခ) ပြည်ထောင်စု မပြိုကွဲရေး၊ တိုင်းဒေသကြီးနှင့် ပြည်နယ် များ မပြိုကွဲရေးကို ဆောင်ရွက်မည်။
(ဂ) ပြည်ထောင်စုတည်တံ့ခိုင်မြဲရေး၊ တိုင်းရင်းသားအချင်းချင်း ချစ်ကြည်ရင်းနှီးမှုနှင့် သွေးစည်းညီညွတ်မှု ရရှိရေး ဆောင်ရွက်မည်။
(ဃ) ပြည်ထောင်စုအတွင်း နေထိုင်ကြသော တိုင်းရင်းသား လူမျိုးများအားလုံး လူမှုအခြေခံ အခွင့်အရေးများ အပြည့် အဝရရှိရေး ဆောင်ရွက်မည်။
(င) တိုင်းရင်းသားလူမျိုးအသီးသီး၏ စာပေယဉ်ကျေးမှုနှင့် ရိုးရာဓလေ့များ မပျောက်ပျက် စေရန်နှင့် ဖွံဖြိုး တိုးတက်စေရန် ဥပဒေပြဌာန်းနိုင်ရေးအတွက် ကြိုးပမ်း ဆောင်ရွက်မည်။
(စ) စိတ်ကူးယဉ်မျှော်မှန်းချက်ထက် လက်တွေ့အကျိုးဖြစ် ထွန်းရေးကို ဦးစားပေး ဖေါ်ဆောင်မည်။
(ဆ) နိုင်ငံရေးနှင့် အခြားကဏ္ဍအသီးသီးတိုတွင် ထိပ်တိုက် ရင်ဆိုင်ရေး၊ ဆန့်ကျင်ရေးကို ဦးစားမပေးပဲ ပိုမို ထိရောက် သောအကျိုးဖြစ်ထွန်းမှုအတွက် ရှိသည့်လုပ် ပိုင်ခွင့်များ အားလုံးကို ရယူ အကောင်အထည်ဖေါ် သွားမည်။
(ဇ) ပါတီသည် ပြည်သူတို၏အားကိုးယုံကြည်မှုကို အခြေခံ ၍ တိုင်းရင်းသားလူမျိုး အချင်းချင်း တန်းတူညီမျှရေး၊ ကိုယ်ပိုင်ပြဌာန်းခွင့်ရရှိရေး၊ ဖက်ဒရယ်ပြည်ထောင်စု စနစ်တွင် သင့်လျော်လျောက်ပတ်သည့် သဘောတူညီမှု များကို ပဋိဉာဉ်ပြုကာ ပြည်ထောင်စုအစိုးရ၊ တိုင်းဒေသ ကြီးနှင့် ပြည်နယ်အစိုးရများ ဖွဲစည်းနိုင်ရေးတိုကို ကြိုးပမ်းသွားမည်။
(ဈ) ရွေးကောက်ပွဲတိုင်းတွင် လွှတ်တော်(၃)ရပ်စလုံး၌ မိမိတို ပါတီမှ အနိုင်ရရှိရေးအတွက် အစဉ်တစိုက် ကြိုးပမ်း ဆောင်ရွက်သွားမည်။
(ည) မှန်ကန်သော နိုင်ငံရေးလမ်းစဉ်ဖြင့် မူဝါဒ သဘောထား တူညီသည့် တရားဝင်နိုင်ငံရေး ပါတီများ အစုအဖွဲကို ဖေါ်ဆောင်၍ နိုင်ငံလုံးဆိုင်ရာ နိုင်ငံရေး ယှဉ်ပြိုင်မှုကို တည်ဆောက်သွားမည်။
(ဋ) အချိန်ကာလတစ်ခုအတွင်း ရရှိလာသည့် အတွေ့အကြုံ ရင့်ကျက်မှုများဖြင့် ဖက်ဒရယ်ဒီမိုကရေစီလုပ်ငန်းစဉ် များ၌ ပါတီ၏ရည်ရွယ်ချက်၊ ဦးတည်ချက်နှင့် မူဝါဒ များကို ခေတ်ကာလနှင့်အညီ ပြောင်းလဲပြင်ဆင် သတ်မှတ်သွားမည်။